Þessi súpa er rosalega fljótleg og góð, hentar vel á vetrardögum eins og þessum. Súpan er silkimjúk og yljandi, svolítið sterkt með söltum tónum, alveg svakalega góð!

Kókos súpa með kjúkling, uppskrift:

• 500 ml kókosmjólk
• 4 sítrónugrös,
• 3 cm sneið engifer, maukað
• 1 rauður chillí
• 8 hvítir sveppir
• 6 kirsuberjatómatar
• 2 kjúklingabringur, skornar niður í bitastærðir
• 2 msk fiskisósa
• safi í 1 lime
• Kóríander

Aðferð:

1. Steikið kjúklinginn létt með salt og pipar.
2. Hitið kókosmjólkina í potti að suðu.
3. Skerið sítrónugrösin gróft langsum (svo auðvelt sé að taka úr súpunni áður hún er borðuð).
4. Skerið sveppina í þunnar sneiðar, skerið chillíið í litla bita, maukið engiferið og bætið út í súpuna ásamt tómötunum.
5. Setjið kjúklinginn út í súpuna og sjóðið í 5 mín.
6. Setjið fiskisósu og lime safa út í súpuna.
7. Setjið súpuna á diska, skreytið og bragðbætið súpuna með kóríander.