Linda Ben

Hættulega góðar súkkulaði smákökur fylltar með saltri karamellu!

Recipe by
30 mín
Prep: 20 mín | Cook: 10 mín | Servings: 12-14 kökur (fer eftir því hversu mikið hrátt kökudeig er borðað)

Hér er að finna hættulega góðar súkkulaði smákökur fylltar með saltri karamellu sem þú munt elska!

Söltu kramellurnar keypti ég tilbúnar út í búð en þær eru frá uppáhalds karamellu framleiðandanum mínum (já ég á uppáhalds karamellu framleiðanda) Walker’s. Margir þekkja fjólubláu Walker’s karamellurnar en ég hef áður fjallað um ást mína á þeim hér.

Núna hafa Walker’s toppað sig með þessum söltu karamellum, þær eru ROSALEGA GÓÐAR! Saltið er sjáanlegt þegar maður tekur karamellurnar úr pappírnum, sem skilar sér í meir en himnesku bragði!

Söltu karamellurnar frá Walker’s fá 10 stig af 10 mögulegum og því kjörnar til þess að nota í þessa uppskrift.

Salt karamellu fylltar súkkulaði smákökur

Salt karamellu fylltar súkkulaði smákökur

Salt karamellu fylltar súkkulaði smákökur
Salt karamellu fylltar súkkulaði smákökur

Salt karamellu fylltar súkkulaði smákökur

  • 150 g smjör
  • 300 g hveiti
  • ½ tsk matarsódi
  • ½ tsk vanillusykur
  • ¼ tsk sjávar salt
  • 150 g ljós púðursykur
  • 100 g sykur
  • 1 egg
  • 1 eggjarauða
  • 2 msk nýmjólk
  • 70 g brætt súkkulaði
  • 70 g súkkulaði bitar
  • 1 poki saltar karamellur frá Walker’s

Aðferð:

  1. Bræðið smjörið og leyfið þvi að kólna svolítið.
  2. Blandið saman hveiti, matarsóda, vanillu og salti í skál.
  3. Setjið sykurinn, púðursykurinn og smjör saman í hrærivélaskál og hrærið vel saman.
  4. Bætið eggjunum út í sykurblönduna ásamt mjólkinni og blandið vel saman við.
  5. Setjið hveitiblönduna út í varlega og hrærið vel saman við.
  6. Bræðið súkkulaðið og blandið því mjög létt saman við deigið, mér finnst fallegra að hræra lítið og hafa deigið smá tvílitt.
  7. Skerið súkkulaði niður og blandið því saman við deigið.
  8. Kveikið á ofninum og stillið á 190°C.
  9. Takið 1 msk af deigi, búið til kúlu og fletjið hana létt niður, takið eina karamellu úr umbúðunum og setjið á flatta deigið, takið þá aðra matskeið af deigi og notið það til að fela karamelluna, lokið hliðunum með því að klemma deigið saman.
  10. Setjið kúlurnar á smjörpappír á ofnbakka og látið vera um það bil 5 cm á milli hverrar kúlu.
  11. Bakið í um það bil 10 mín, takið út úr ofninum þegar þær eru byrjaðar að verða gullnar á litinn og takið þá strax úr ofninum og setjið á grind svo þær byrji að kólna strax.

Salt karamellu fylltar súkkulaði smákökur

Ef þú prófar þessa uppskrift, þá þætti mér svo vænt um að heyra hvernig smakkast! Skildu endilega eftir skilaboð hér fyrir neðan, eða taktu mynd og merktu mig á myndinni á Instagram @lindaben

Ýttu hér til að fylgjast með á Instagram!

Njótið vel!

Ykkar, Linda Ben

One Review

  1. Þórunn

    Nei ok namm! Takk fyrir þessa uppskrift :)

    Star

Leave a Review

Your email address will not be published. Required fields are marked *

*

1 2 3 4 5

Connect!