Salt karamellu smákökur með hvítum súkkulaðibitum, þessar eru ROSALEGAR! Þið hreinlega verðið bara að prófa.

Salt karamellu smákökur með hvítum súkkulaðibitum

• 300 g hveiti
• ½ tsk matarsódi
• ¼ tsk salt
• 150 g púðursykur
• 100 g sykur
• 150 g brætt smjör (sem hefur fengið að kólna svolítið)
• 2 msk nýmjólk
• 1 egg
• 1 eggjarauða
• 150 hvítt súkkulaði gróft saxað
• 1 dl salt karamella (úr búð eða heimatilbúin)

Aðferð:

1. Setjið hveitið í skál ásamt matarsódanum og saltinu, blandið saman.
2. Setjið púðursykur í skál ásamt sykrinum og bræddu smjöri, blandið saman.
3. Út í sykurblönduna bætið nýmjólkinni, eggi, eggjarauðu og blandið saman.
4. Blandið hveitiblöndunni út í sykurblönduna og blandið vel saman.
5. Blandið hvítu súkkulaðinu fyrst saman við og svo salt karamellunni, ekki blanda of mikið eftir að karamellan hefur verið sett í.
6. Kælið deigið í 2 klst í ísskáp
7. Stillið ofninn á 190°C.
8. Hnoðið kökur úr 2 msk af deigi, raðið á ofnskúffu með góðu millibili og bakið í 8-10 mín.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar, Linda Ben

Njótið vel!

Ykkar, Linda Ben