Það er alveg ótrúlega langt síðan ég deildi með ykkur hér smoothie uppskrift en það er eitthvað sem ég borða á nánast hverjum degi. Það er mismunandi hvað ég set í smoothie-ana og hvort ég borða þá með skeið upp úr skál eða drekk úr glasi.

Það að setja frosinn banana út í smoothie gerir áferðina þykka, nánast eins og ís, svo það er líka gaman að setja smoothie-inn í skál og borða hann eins og ís.

Þessi smoothie er mjög barnvænn en þetta er drykkur sem ég geri reglulega fyrir strákinn minn og hann elskar hann!

Bleikur tropical smoothie

• 1 frosinn banani
• 1 dl frosið mangó
• 1 dl frosinn ananas
• 2 dl frosin hindber
• 1 msk hörfræjaolía
• 1 msk Hamp fræ
• 2 dl tropical ávaxtasafi

Aðferð:

1. Setjið allt saman í blandara og blandið þar til þykkur smoothie hefur myndast. Hægt að setja í glas eða skál og borða eins og ís. Þessi uppskrift dugar í 2 glös.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar, Linda Ben