Banana og döðlu brauð

• 2 vel þroskaðir bananar
• 100 g mjúkar döðlur
• 50 g smjör
• 2 egg
• 1 dl sykur
• 3 dl hveiti
• ½ dl mjólk
• 2 tsk lyftiduft
• 1 tsk kanill
• 2-3 msk heslihnetukurl

Aðferð:

1. Kveikið á ofninum og stillið á 175ºC.
2. Bræðið smjörið, steinhreinsið döðlurnar og skerið í litla bita.
3. Hrærið egg og sykur þar til létt og ljóst.
4. Bætið hveiti, lyftidufti og kanil í deigið, blandið vel saman.
5. Bætið smjörinu og döðlunum útí ásamt stöppuðum bönunum og mjólk í deigið, blandið vel saman.
6. Setjið deigið í brauðform sem hefur verið klætt með smjörpappír, toppið með heslihnetukurli og bakið í u.þ.b. 45 mín.

Ef þú prófar þessa uppskrift, þá þætti mér svo vænt um að heyra hvernig smakkast! Skildu endilega eftir skilaboð hér fyrir neðan, eða taktu mynd og merktu mig á myndinni á Instagram @lindaben

Ýttu hér til að fylgjast með á Instagram!

Ykkar, Linda Ben