Hér höfum við einfaldar bollakökur sem allir eiga að geta leikið eftir.

Bollakökurnar sjálfar eru í ljúffenga vanillukökumixinu frá Lindu Ben sem eru skreyttar með litum og kökuskrauti frá Dr. Oetker.

Einfaldar hrekkjavökubollakökur

• Ljúffengt vanillukökumix frá Lindu Ben
• 3 egg
• 1 dl vatn
• 1 1/2 dl olía/brætt smjör
• Dr. Oetker grænn matarlitur
• Dr. Oetker fjólublár matarlitur

Hrekkavöku smjörkrem

• 400 g smjör
• 500 g flórsykur
• 1 dl rjómi
• 1 tsk vanilludropar
• Dr. Oetker grænn matarlitur
• Dr. Oetker svartur matarlitur
• Dr. Oetker appelsínugulur matarlitur
• Dr. Oetker augu
• Dr. Oetker svart og gyllt kökuskraut

Aðferð:

1. Kveikið á ofninm og stillið á 175°C, undir og yfir hita.
2. Hrærið í kökudeigið, setjið kökumixið í skál ásamt eggjum, vatni og olíu/smjöri og hrærið saman.
3. Skiptið deiginu í tvo hluta og litið einn hlutann grænan og hinn fjólubláan.
4. Setjið pappírsbollukökuform í bollakökuálbakka og skiptið kökudeiginu formin með því að fylla þau upp 2/3. Bakið í u.þ.b. 15 mín eða þar til kökurnar eru bakaðar í gegn.
5. Kælið kökurnar og útbúið kremið.
6. Hrærið smjörið þar til það er létt og ljóst.
7. Bætið smjörkremsblöndunni saman við og hrærið þar til létt og loftmikið.
8. Skiptið kreminu í 3 hluta. Bætið matarlit út í hvern hluta og hrærið saman.
9. Setjið kremin í sprautupoka á hverja köku.
10. Skreytið með augum og kökuskrauti.