Espresso martíni súkkulaðimús.
Silkimjúk dökk súkkulaðimús með espresso, rjóma og kakó, að sjálfsögðu borin fram í fallegum kokteilglösum eins og alvöru espresso martini.
Þetta er alveg dásamlegur eftirréttur sem allir espresso martini aðdáendur eiga eftir að elska!
Espresso mústíni súkkulaðimús
- 4 egg
- 70 g sykur
- 800 ml rjómi (skipt í 250 ml, 500 ml og 300 ml)
- 300 g Síríus suðusúkkulaði 70% dökkt
- 1 1/2 msk instant kaffidufti (t.d. nescafé)
- Kakóduft og kaffibaunir sem skraut
Aðferð:
- Setjið egg og sykur í skál og þeytið vel saman í um 3 mínútur þar til blandan verður létt og loftmikil.
- Setjið 250 ml rjóma í pott ásamt instant kaffiddufti og hitið hann vel, en ekki sjóða hann. Hrærið í pottinum þar til kaffið hefur samlagast rjómanum.
- Hellið rjómanum út í eggjablönduna í mjórri bunu á meðan hrærivélin er í gangi á lágri stillingu.
- Hellið blöndunni aftur í pottinn og hitið á meðalhita (passið að láta ekki sjóða). Hrærið stanslaust í þar til blandan þykknar og umfang blöndunnar hefur minnkað um helming. Passið að sjóða blönduna alls ekki því þá getur hún hlaupið í kekki.
- Bræðið súkkulaðið yfir vatnsbaði og blandið saman við eggjablönduna. Líka hægt að brjóta súkkulaðið beint út í eggjablönduna og bræða það í blöndunni. Setjið inn í ísskáp og kælið í 1 klst.
- Þeytið 500 ml rjóma og blandið honum varlega saman við súkkulaðiblönduna með sleikju.
- Skiptið súkkulaðimúsinni á milli í kokteilglös, ekki fylla glösin alveg heldur skiljið eftir smá pláss fyrir rjóma. Sléttið alveg úr súkkulaðimúsinni með lítilli spatúlu eða bakhlið á skeið.
- Þeytið 300 ml rjóma og setjið í glösin svo þau fyllist. Sléttið úr með spatúlu eða hníf.
- Sigtið yfir pínulítið af kakói og skreytið með kaffibaunum.
Aðferð:
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: