Hér höfum við frosna súkkulaðihjúpaða skyr og bananabita sem eru svo góðir!

Maður byrjar á því að skera bananann í bita og blanda saman við þá góðu skyri, ég valdi nýja hafraskyrið frá Veru Örnudóttir sem er með appelsínu og engiferbragðinu. Svo smellir maður blönduni í bita á smjörpappír, hver biti er u.þ.b. 1 msk, og setur í frysti. Svo hjúpar maður bitana í dökku súkkulaði.

Bitarnir geymast best í frysti, þeir eru góðir bæði beint úr frystinum en það er líka mjög gott að leyfa þeim að standa við stofuhita í u.þ.b. 30 mín til að fá þá mjúka.

Frosnir súkkulaðihjúpaðir skyr og bananabitar (ofnæmisvænt+vegan)

• 150 g hafraskyr með appelsínu og engifer frá Veru Örnudóttir
• 1 banani
• 200 g 70% súkkulaði

Aðferð

1. Skerið bananana í bita og setjið í skál ásamt hafraskyrinu, blandið saman varlega.
2. Setjið blöduna á smjörpappír, hver biti er u.þ.b. 1 msk af blöndu. Setjið í frysti og frystið í a.m.k. 1 klst.
3. Bræðið 100 g af súkkulaðinu yfir vatnsbaði, þegar það hefur bráðnað takið það þá upp úr vatnsbaðinu. Brjótið þá hin 100 g ofan í brædda súkkulaðið og hrærið þar til allt hefur bráðnað saman.
4. Hjúpið skyrbitana í súkkulaði og leyfið súkkulaðinu að stirðna.
5. Bitarnir geymast í ískáp í u.þ.b. 2 sólahringa en mikið lengur í frysti. Gott er að taka þá úr frysti u.þ.b. 30 mín áður en maður borðar þá.