Jarðaberja hollensk pönnukaka er svo góð í mogrunmat eða á brunch borðið. Svolítið klessuleg, ekki of sæt eggja pönnukaka. Fullkomin borin fram með jarðaberjra grísku jógúrti og ferskum berjum.
Jarðaberja hollensk pönnukaka
- 3 egg
- 100 g hveiti
- 25 g sykur
- klípa salt
- 1 tsk vanilludropar
- 180 ml nýmjólk frá Örnu Mjólkurvörum
- 45 g smjör
Borið fram með
- 180 g grískt jógúrt með jarðaberjum og vanillu frá Örnu Mjólkurvörum
- 100 g hindber
- 100 g jarðaber
- Örlítill flórsykur
Aðferð:
- Kveikið á ofninum og stillið á 200°C, undir og yfir hita. Setjið eldfast mót sem er 25 cm í þvermál inn í ofninn og leyfið forminu að hitna með ofninum.
- Setjið egg í skál og þeytið þar til þau eru byrjuð að freyða. Setjið þá hveiti, sukur, salt og mjólk út í skálina og hrærið saman þar til að mestu kekklaust.
- Setjið smjörið í eldfasta mótið og leyfið smjörinu að bráðna inn í ofninum. Þegar smjörið hefur bráðnað notiði pensil til að pensla því um formið. Hellið svo deiginu í fomið og setjið beint inn í ofn, ekki hræra smjörið saman við. Bakið í 15 mín og lækkið svo hitann á ofninum niður í 175°C og bakið áfram í 10 mín.
- Setjið gríska jógúrtið ofan á pönnukökuna ásamt jarðaberjum og hindberjum, sigtið örlítinn flórykur yfir.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: