Jólatrémarengs með karamellukurli og karamellusósu.

Ef þú vilt slá í gegn í jólaboðinu þá er þessi jólatrésmarengs fyrir þig. Hann er mun einfaldari að gera en hann lítur út fyrir að vera, bara eins og venjuleg marengsterta, nema hærri.

Það virðist í fyrstu vera flókið að skera jólatrésmarengsinn niður í sneiðar, en maður einfaldlega notar kökuhníf og kökuspaða eins og vanalega. Maður byrjar á því að taka efstu hæðina af beint og setur á disk. Næst setur maður spaðann undir marengsbotninn og sker sér sneið.

Gleðilega hátíð elsku vinir!

Jólatrémarengs með karamellukurli og karamellusósu

Botnar

• 6 eggjahvítur
• ¼ tsk cream of tartar
• ¼ tsk salt
• 200 g púðursykur
• 200 g sykur
• 1 líter rjómi frá Örnu mjólkurvörum + 100 ml í sósuna
• 200 g karamellukurl
• 200 rjómakaramellur

Aðferð:

1. Setjið marengs í sprautupoka og sprautið sex misstóra hringi á bökunarpappír. Stærsti er 25 cm í þvermál og minnsti er 7 cm.
2. Bakið marengsinn í 50 mínútur við 140°C á blæstri.
3. Setjið rjómakaramellurnar og rjóma saman í pott og bræðið. Kælið blönduna.
4. Þeytið rjómann, blandið saman við hann karamellukurlinu.
5. Setjið stærsta botninn á kökudiskinn, setjið rjóma á botninn og karamellusósu. Setjið næst stærsta botninn ofan á og endurtakið fyrir alla botnana.
6. Skreytið með slaufum.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar