Þessi sítrónubaka er alveg einstaklega ljúffeng og góð!
Sítrónufylllingin er létt og ferk á meðan botninn er stökkur og fullkomið mótvægi við mjúkri fyllingunni.
Sítrónubaka
Botn
- 260 g kremkex
- 100 g smjör
Sítrónufylling
- 2 egg
- 2 eggjarauður
- 60 g sykur
- Börkur og safi af 1 sítrónu
- 2 matarlímsblöð
- 115 g smjör
- 400 g rjómaostur
- 70 g flórsykur
Aðferð:
- Setjið kremkex (með kreminu) í matvinnsluvél eða blandara og maukið. Bræðið smjörið og blandið saman við.
- Smynrjið hringinn af 23 cm stóru smelluformi og klæðið með smjörpappír. Setjið á kökudisk sem passar í fyrsti. Pressið kexmulningsblöndunni í botninn á kökudisknum og u.þ.b. 2 cm upp á kantana á smelluforminu líka þannig að kantarnir eru þéttir, sléttir og flottir. Setjið í fyrsti.
- Leggið matarlímsblöðin í skál með köldu vatni.
- Setjið vatn í pott og skál ofan á pottinn, vatnið á að ná upp í skálina. Setjið eggin, eggjarauðurnar, sykur, sítrónubörk og sítrónusafa í skálina og kveikið undir pottinum. Þeytið blönduna stanslaust þegar vatnið er byrjað að hitna undir skálinni. Eftir nokkrar mínútur (3-4 mín) byrjar blandan að þykkna og lýsast örlítið. Kreystið vatnið af matarlímsblöðunum og setjið ofan í skálina, hrærið saman við. Takið þá blönduna af hitanum og bætið smjörinu út í og hrærið því saman við þar til það er alveg bráðnað.
- Setjið blönduna inn í ísskáp þar til blandan er orðin köld (hægt er að flýta fyrir þessu ferli með því að hella blöndunni í frekar stórt eldfast mót og setja þannig inn í ísskáp).
- Setjið rjómaost og flórsykur í skál og þeytið saman. Bætið köldu eggjablöndunni út í rjómaostablönduna og blandið varlega saman með sleikju.
- Hellið blöndunni ofan á kexbotninn. Leyfið kökunni að taka sig inn í ísskáp yfir nótt eða 3-4 klst.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
