Þessi klassíska jólamáltíð sem við ættum flest öll að kannast við og elska.

Hamborgarhryggurinn frá SS er einstaklega ljúffengur. Hann þarf ekki að sjóða heldur er hann settur beint inn í ofn í eldföstumóti eða steikarpotti. Mikilvægt er að fjarlægja innri filmu sem liggur þétt upp að honum. Hana á að fjarlægja eftir eldun, en áður en gljáinn er settur á hrygginn.

Hér er höfum við klassískan hamborgarhrygg. Eldaður í ljúffengum gljáa og borinn fram með sykurbrúnuðum kartöflum, ljúffengri hamborgarhryggjasósu, ljúffengu waldorf salati og sultuðum rauðlauk.

Ljúffengur og safaríkur hamborgarhryggur

Hamborgarhryggur frá SS

Aðferð:

Fjarlægið umbúðir af hamborgarhryggnum, elda á hrygginn með filmunni á svo hann verði fallegri í laginu.
Hægt er að elda hamborgarhrygginn með tvennskonar hætti, annað hvort í steikarpotti inn í ofni, eða í eldföstumóti (ekki með loki).
Ef notaður er steikarpottur: Kveikið á ofninum og stillið á 120°C og undir+yfir hita. Setjið steikina ofan í pottinn og hellið 1 líter af vatni ofan í pottinn. Setjið lok á pottinn og bakið inn í ofni í 2 klukkutíma og 15 mín.
Ef notað er eldfastmót: Kveikið á ofninum og stillið á 150°C. Setjið hrygginn ofan í mótið og bætið 1 liter af vatni ofan í mótið, eldið í 70 mín per. kg. Kjarnhiti þarf að mælast 68°C.
Hellið soðinu af kjötinu í gegnum sigti og setjið það í pott.
Takið filmuna af hryggnum. Mér finnst best að opna frá endunum, losa plastið vel um þar og rífa það svo af öllum hryggnum.
Hrærið saman gljáanum (sjá uppskrift hér). Setjið hamborgarhrygginn á fat og penslið hrygginn með gljáanum og raðið ananas sneiðum á hann, bakið hrygginn í 15 mín.

Hamborgarhryggjarsósa

500 ml af soðinu sem kemur af hryggnum
500 ml rjómi
2 msk koníak
1-2 stk svínakraftur
Salt og pipar
1-2 tsk dijon sinnep
U.þ.b. 1 msk maisenamjör
Sósulitur
30 g smjör

Aðferð:

Setjið soðið í pott og sjóðið það niður um helming, það er gert svo það verði bragðsterkara.
Bætið rjóma og koníaki út í pottinn ásamt svínakrafti, salt og pipar og dijon sinnepi og hrærið saman við, leyfið sósunni að malla í nokkrar mínútur.
Bætið út í maisenamjölinu og sósulit þar til þið eruð ánægð með þykktina og litinn á sósunni. Sósan þarf að sjóða eftir að þykkirinn fer út í sósuna svo hann virki.
Skerið smjörið í bita og bætið út í sósuna og hrærið þar til bráðnað saman við.

Annað meðlæti sem gott er að hafa:

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar