Mexíkóskt kjúklingasalat.

Einfalt, virkilega bragðgott og djúsí kjúklingasalat sem svíkur engann.

Að mínu mati er romaine salatið algjör lykill þar sem það er svo safaríkt og gott. Salatinu er velt upp úr sósunni svo hún bleytir vel upp í öllu og gerir það svo sannarlega djúsí.

Mexíkóskt kjúklingasalat

• 600 g Kjúklingalundir
• 1 msk mexíkósk kryddblanda
• 1-2 msk olífu olía
• 1 stór haus Romain salat
• 300 g kirsuberjatómatar
• 100 g rifinn mozzarella frá Örnu Mjólkurvörum
• Mais snakkflögur (magn eftir smekk)

Mexíkósk salat dressing

• 3 msk majónes
• 1 tsk sterkt sinnep
• 1-2 tsk sterk sósa (hot sauce)
• 1-2 tsk mexíkósk kryddblanda
• Salt og pipar

Aðferð:

1. Byrjið á því að krydda kjúklinginn vel og setjið olíu yfir, veltið kjúklingnum vel upp úr kryddinu og látið marinerast.
2. Kveikið á ofninum og þegar hann er orðinn heitur setjið þá kjúklinginn inn og bakið í u.þ.b. 30 mín eða þar til hann er bakaður í gegn.
3. Útbúið sósuna með því að sameina öll hráefni í skál og blanda saman, gott að byrja á því að setja minna af kryddi í byrjun og bæta svo við ef manni finnst vanta.
4. Skolið og þerrið romaine salatið og skerið það niður í bita. Skerið tómatana niður í fjóra hluta.
5. Setjið salatið, tómatana, ostinn og snakkið saman í skál ásamt sósunni, blandið vel saman.
6. Bætið kjúlingnum út á og berið fram.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar