Hér höfum við fræga naan brauðið sem hefur verið hér á síðunni frá upphafi, en nú fyllt með osti. Þessi útfærsla varð til þegar mig langaði í eitthvað ótrúlega gott og djúsí naan brauð um daginn og ákvað þá að fylla það með osti.
Það kom svo ótrúlega vel út að ég bara einfaldlega varð að deila þessu með ykkur, ég vona að þið eigið eftir að smakka og elska!
Ostafyllt naan brauð
- 150 ml vatn
- 2 tsk þurrger
- 2 tsk sykur
- 50 g smjör
- 330 g hveiti
- 1/2 tsk salt
- 50 ml (1/2 dl) hrein AB-mjólk frá Örnu Mjólkurvörum
- 150 g rifinn mozzarella frá Örnu Mjólkurvörum
- Garam masala
- Sjávar salt
Aðferð:
- Blandið þurrgeri og sykri út í vatnið.
- Bræðið smjörið og leyfið því að kólna örlítið.
- Setjið hveiti í skál og blandið saman við gervatninu, saltinu, ab-mjólkinni og brædda smjörinu. Hnoðið deiginu saman.
- Leyfið deiginu að hefast í 30-60 mín.
- Skiptið deiginu og rifna ostinum í 6 hluta, hnoðið rifna ostinum inn í hvern hluta af deigi og fletjið svo hlutana út.
- Kryddið deigið með garam masala og sjávar salti.
- Steikið deigið á pönnu upp úr 1 msk af smjöri á hvorri hlið.
- Berið brauðið fram heitt.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: