Pólókaka er eitthvað sem þú verður að prófa. Maður mylur pólókex þar til það verður að mauki og setur það bæði í deigið og í kremið. Kakan bragðast því eins og eitt stórt Pólókex en er mjúk og einstaklega ljúffeng.
Pólókaka
- 500 g Ljúffeng vanillukaka Lindu Ben – þurrefnablanda
- 3 egg
- 150 ml bragðlítil olía/brætt smjör
- 100 ml vatn
- 250 g Póló kókoskex með hjúp frá Frón (1/2 notaður i kökunni og 1/2 í kreminu) + Nokkar fleiri kexkökur til að skreyta með.
- 1 dl sjóðandi heitt vatn
Pólókrem
- 300 g smjör
- 400 g flórsykur
- 1 dl rjómi
- 1/2 af Póló (sem var tekið fram hér fyrir ofan)
Aðferð
- Kveikið á ofninum og stillið á 175°C, undir og yfir hita.
- Setjið vanillu þurrefnablönduna í skál ásamt eggjum, olíu/smjöri og vatni, hrærið saman þar til mjúkt deig hefur myndast.
- Setjið Póló kexið í matvinnsluvél og látið hana ganga þar til kexið er orðið að dufti. Setjið 1 dl af sjóðandi vatni í vélina og látið ganga þar til blandan verður að mauki.
- Setjið helminginn af maukinu út í deigið og hrærið þar til samlagað.
- Takið kökuform sem er 20×30 cm eða sambærilegt og smyrjið vel með smjöri. Hellið deiginu í formið og bakið svo í miðjum ofni í u.þ.b. 25 mín eða þar til kakan eru bökuð í gegn.
- Gerið smjörkremið á meðan kakan kólnar.
- Þeytið smjörið þar til mjög mjúkt og ljóst, bætið þá flórsykrinum út í hægt og rólega svo hann þyrlist ekki allur upp í loft. Bætið svo rjómanum og póló kexmaukinu út í kremið, þeytið alveg í þónokkrar mínutur þar til kremið er ofur mjúkt og létt.
- Smyrjið kreminu á kökuna og skreytið með muldu Póló kexi.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: