Alveg dásamlega góð rauðlaukssulta sem er alveg frábært meðlæti með fjölmörgum mat. Alveg dásamlega góð með grilluðum hamborgurum, andabringum, hreindýrasteikinni eða hamborgarhryggnum.

 Rauðlaukssulta (Sultaður rauðlaukur)

• 2 rauðlaukar
• ½ dl balsamic edik
• 1 hvítlauksgeiri
• 2 msk hunang
• 1 msk olía
• 1 msk sykur
• Svolítill pipar

Aðferð:

1. Skerið rauðlaukinn niður í þunnar sneiðar, hér er þægilegast að nota mandolín.
2. Setjið í pott ásamt öllum öðrum innihaldsefnum og leyfið að malla rólega í u.þ.b. 45 mín til 1 klst eða þar til áferðin er orðin sultukennd, hrærið í reglulega.
3. Best er að setja sultuna í alveg tandurhreina krukku á meðan hún er heit og loka krukkunni vel, þannig geymist hún vel og lengi.