Smákökur með dökku súkkulaði og pekanhnetum fyrir alla hvort sem þeir eru vegan, með mjólkur og eggja ofnæmi sem og alla hina.

Það getur verið erfitt að fina mjólkur og eggjalausar smákökur sem bragðast vel, eru stökkar að utan og mjúkar að innan, en þú hefur heppnina algjörlega með þér núna því þessar smákökur eru einmitt þannig.

View this post on Instagram

A post shared by Linda Ben (@lindaben)

Smákökur með dökku súkkulaði og pekanhnetum fyrir alla

• 150 g hveiti
• 1/2 tsk matarsódi
• 1 tsk kanill
• 1/4 tsk negull
• 1/4 tsk engifer
• 1/4 tsk múskat
• 60 g sykur
• 60 g púðursykur
• 4 msk vegan smjör (ég nota þetta í svörtu umbúðunum)
• 4 msk Jóla hafrajógúrt með bökuðum eplum og kanil frá Veru Örnudóttir
• 100 g 70% suðusúkkulaði
• 30 g saxaðar pekanhnetur
• Sjávarsalt

Aðferð:

1. Kveikið á ofninum og stillið á 175°C, undir og yfir hita.
2. Setjið hveiti, matarsóda, kanil, egnifer, negul, múskat, sykur og púðursykur í skál og blandið saman.
3. Setjið smjörið og hafrajógúrtið í skálina og hrærið saman þar til deigið hefur samlagast og orðið smá klístrað. Það gæti tekið smá stund að hræra það.
4. Skerið súkkulaðið í bita og bætið út í deigið, hrærið saman.
5. Útbúið kúlur úr deiginu, 1 msk deig hver kúla, og raðið á smjörpappírsklædda ofnplötu.
6. Bakið í u.þ.b. 10 mín eða þar til endarnir eru byrjaðir að gyllast.
7. Setjið kökurnar á kæligrind og setjið örlítið sjávarsalt yfir.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar