Súkkulaði kasjúhnetuklessur er ljúffengt og einfalt sælgæti sem bragðlaukarnir elska jafnt og líkaminn.

70% súkkulaði er stútfullt af andoxurnarefnum og kasjúhneturnar trefja og næringarríkar. Sjávarsaltið gerir þetta svo alveg þannig að maður hreinlega getur ekki hætt að borða þetta.

Súkkulaði kasjúhnetuklessur

• 200 g Síríus suðusúkkulaði 70% frá Nóa Síríus
• 150 g kasjúhnetur
• Sjávarsalt

Aðferð:

1. Byrjað er á því að rista kasjúhneturnar með því að setja þær á pönnu ásamt salti og steikja á þurri pönnunni þar til þær eru aðeins byrjaðar að gullinbrúnast.
2. Bræðið suðusúkkulaðið yfir vatnsbaði rólega, takið súkkulaðiðskálina upp úr vatninu þegar súkkulaðið er 80% bráðnað og leyfið restinni að bráðna rólega.
3. Setjið kasjúhneturnar í skál ásamt brædda súkkulaðinu og blandið saman.
4. Setjið 1/2 msk í einu af kasjúhnetusúkkulaðinu á smjörpappír, dreyfið örlítið af sjávarsalti yfir, leyfið súkkulaðinu að stirðna við stofuhita.