Vetrarmarengsterta

Þessi marengsterta er algjör draumur! Fyllingin er einstaklega góð og skreytingarnar skemmtilegar.

Það er upplagt að gera bæði marengsbotnana og trén með góðum fyrirvara þar sem bæði geymist svo vel. Best er að geyma upp á borði með hreint viskustykki yfir, þannig geymist marengsinn alveg í meira en viku ef ekki tvær.

Það er svo algjört smekksatriði hvort þú viljir setja kökuna saman daginn áður eða samdægurs. Ef þú gerir það daginn áður gefur þú rjómanum tíma til að fara inn í marengsinn sem gerir hann mjúkann, en ef þú fýlar stökka marengstertu þá seturu hana saman samdægurs.

Vetrarmarengsterta

Botn

• 4 eggjahvítur
• ¼ tsk. cream of tartar
• ¼ tsk. salt
• 60 g púðursykur
• 200 g sykur
• 50 g Rice Crispies

Fylling

• 450 ml rjómi
• 150 g Nóa Kropp
• 150 g Síríus Eitt Sett lakkrískurl
• 250 g jarðaber

Sósa

• 140 g Rjómakaramellu Töggur frá Nóa Síríus
• 50 ml rjómi

Jólatré

• 3 eggjahvítur
• ¼ tsk. cream of tartar
• ¼ tsk. salt
• 250 g sykur

Aðferð:

1. Kveikið á ofninum og stillið á 140°C á undir- og yfirhita.
2. Setjið eggjahvítur í skál ásamt cream of tartar og salti og þeytið þar til byrjar að freyða. Bætið þá púðursykrinum og sykrinum saman við og þeytið þar til eggjahvíturnar ná alveg stífum toppum. Bætið þá Rice Crispies út í og veltið því varlega saman við með sleikju.
3. Teiknið tvo 22 cm hringi á smjörpappír og snúið pennastrikinu niður áður en þið skiptið deiginu á milli hringanna. Bakið í 50 mín og slökkvið þá á ofninum en ekki taka botnana úr ofninum fyrr en þeir eru orðnir alveg kaldir.
4. Útbúið jólatré með því að þeyta saman eggjahvítum, cream of tartar, salti og sykri þar til stífir toppar myndast. Setjið í sprautupoka með stórum opnum sprautustút og sprautið tré, bæði 2 “hæða/greina” og 3 “hæða/greina” á smjörpappír og bakið í 30 mín við 170°C og blástur.
5. Slökkvið á ofninum og leyfið trjánum að kólna með ofninum.
6. Setjið Rjómakaramellu Töggur í pott og bræðið með rjóma. Leyfið blöndunni að kólna.
7. Þeytið rjómann og setjið 1 msk af þeyttum rjóma á kökudiskinn.
8. Skerið jarðaberin smátt niður (takið frá nokkur til að setja ofan á kökuna), setjið út í rjómann ásamt Nóa Kroppi og Eitt Sett lakkrískurli og veltið öllu saman.
9. Setjið annan botninn á diskinn og helminginn af rjómafyllingunni yfir hann. 
10. Setjið hinn botninn yfir og restina af rjómafyllingunni. Skreytið með bræddum Rjómakaramellu Töggum.
11. Setjið marengsjólatrén utan um kökuna. Gott að festa trén við kökuna með smá þeyttum rjóma.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar