Ef eitt er öruggt í þessum heimi þá er það að vanillu ís er það besta sem hægt er að bjóða upp á með brownie!

Þessi ofur krúttlegi eftirréttur er svo einfaldur að smella saman. Það er upplagt að leyfa börnunum að hjálpa til og hafa gaman saman.

Volg brownie með vanilluís snjókalli:

• 2 lítar vanilluís
• 115 g smjör
• 1 og 3/4 dl súkkulaði
• 2 og 1/3 dl sykur
• 2 egg
• 60 ml mjólk
• 2 og 1/3 dl hveiti
• 1 msk flórsykur
• Svart kökuskraut

Aðferð:

1. Setjið smjörpappír á bakka (eins stóran og kemst fyrir í frystinum), útbúið kúlur úr vanilluísnum og setjið í frysti.
2. Kveikið á ofninum og stillið á 175ºC.
3.  Setjið smjörpappír í eldfastmót, brjótið pappírinn inn í horninn svo pappírinn passi fullkomlega.
4.  Bræðið saman smjör og súkkulaði í potti yfir lágum hita.
5. Slökkvið á hitanum og hellið sykrinum út í blönduna, hrærið reglulega í og látið kólna svolítið (5-10 mín)
6.  Í hrærivélaskál blandið saman mjólk og eggjum. Hellið saman við súkkulaði-smjör blöndunni og hrærið vel.
7.  Blandið hveitinu varlega saman við og hellið í formið. Bakið í 25 mín.
8. Takið kúlurnar úr frystinum og raðið þeim saman svo úr verði snjókallar, raðið kökuskrautinu á þá, myndið andlit á efri kúluna og hnappa á neðri kúluna, setjið aftur inn í frysti.
9. Takið kökuna úr ofninum og skerið hana í sneiðar, sigtið flórsykri yfir kökurnar og setjið á diska, raðið 1 snjókalli á hverja köku þegar kakan hefur náð að kólna svolítið og berið fram strax.

Fylgstu með á Instagram

Þangað til næst!

Ykkar, Linda Ben