Linda Ben

Ferskt og bragðmikið salat með risarækjum í hvítlauks marineringu

Recipe by
20 mín
Cook: 5 mín | Servings: 2-3 manns

Ég fer ekki leynt með það hversu mikið ég elska risarækjur. Þær eru í algjöru uppáhaldi hjá mér þegar kemur að sjávarfangi, meira að segja finnst mér þær betri en humar, allavega eins og staðan er í dag.

_MG_3078

Það er nefninlega hægt að elda þær á svo fjölbreyttan hátt og þær setja svo mikinn lúxus í hvaða rétt sem er.

_MG_308k6

Hér setti ég saman einfalt ferkst salat og toppaði það með bragðmiklum risarækjum í hvítlauks marineringu. Ég lét marineringuna fylgja með af pönnunni og ofan á salatið sem var dúndur gott! Þess vegna er salat dressing fullkomlega óþörf.

_MG_3084

Þetta salat virkar jafnt sem forréttur og aðalréttur, allt eftir því hvert tilefnið er, en athugið þá að aðlaga skammtastærðirnar í uppskriftinni.

Ferskt og bragðmikið salat með risarækjum í hvítlauks marineringu

  • 1 pakki risarækjur (um það bil 12 rækjur)
  • 2 hvítlauksgeirar
  • kóríander krydd
  • lime
  • salt og pipar
  • ólífu olía
  • 250 g spínat
  • 1 mangó
  • 2 lítil avocadó
  • 5-7 kirsuberja tómatar
  • 1 lítil krukka fetaostur
  • lúka kóríander
  • ½ rauður chilli

Aðferð:

  1. Setjið risarækjurnar í skál, kreystið hvítlaukinn yfir með hvítlaukspressu, rífið börkinn af 1 lime, kryddið með salt, pipar og kóríander kryddi. Hellið góðum slurk af ólífu olíu yfir eða u.þ.b. 2-3 msk og blandið vel saman. Látið marinerast í hálftíma ef þið eigið hann til en annars bara á meðan salatið er útbúið.
  2. Skolið spínatið, þerrið og raðið því á fallegan disk. Skerið mangóið, avocadóið og kirsuberja tómatana niður í hæfilega stóra bita og raðið því á diskinn líka.
  3. Dreifið feta ostinum yfir, notið eins mikla olíu með og ykkur finnst gott að hafa (ég sigta hana smá frá svo það verður alltaf svolítið eftir í krukkunni).
  4. Steikið risarækjurnar á pönnu upp úr marineringunni þangað til þær eru eldaðar í gegn eða um leið og þær eru orðnar bleikar í gegn (passa að elda þær ekki of mikið), raðið þeim ofan á salatið og hellið marineringunni yfir líka.
  5. Rífið kóríander, skerið rauðan chilli og dreifið yfir salatið.

_MG_3075

Ef þú prófar þessa uppskrift, láttu mig þá endilega vita! Skildu eftir skilaboð hér fyrir neðan, eða taktu mynd og merktu mig á myndinni á Instagram @lindaben

Ég minni þig á að fylgjast með mér á Instagram en þar er ég oft að elda og baka og sýni “step-by-step” frá matseldinni. Ýttu hér til að fylgjast með á Instagram!

_MG_3085

Njótið vel!

Ykkar, Linda Ben

Leave a Review

Your email address will not be published. Required fields are marked *

*

1 2 3 4 5