Þetta bláberja bananabrauð er einstaklega mjúkt og ljúffengt. Það inniheldur engin egg og engar mjólkurafurðir sem gerir það einnig vegan.

Bláberja bananabrauð – án eggja og án mjólkur (v)

• 200 g hveiti
• 1 tsk lyftiduft
• 1 tsk matarsódi
• Klípa af salti
• 75 g sykur
• 1 dl hafraskyr með bláberjum frá Veru Örnudóttur
• 1/2 dl fljótandi kókosolía
• 3 meðal stórir vel þroskaðir bananar (+1 auka til að setja ofan á brauðið en má sleppa)
• 130 g bláber (ferskt eða frosin)
• 1 dl flórsykur
• 1 msk vatn

Aðferð:

1. Kveikið á ofninum og stillið á 175°C, undir og yfir hita.
2. Stappið banana og setjið í skál ásamt sykri, hafraskyri, kókosolíu og blandið saman.
3. Bætið hveiti, lyftiduft, matarsóda og salt  í skálina og blandið saman.
4. Setjið bláberin ofan í skálina og veltið varlega saman við.
5. Hellið deiginu í smjörpappírsklætt form sem er 11×25 cm eða sambærilega stórt.
6. Bakið í u.þ.b. 50-55 mín eða þar til brauðið er bakað í gegn.
7. Blandið saman vatni og flórsykri og dreifið yfir brauðið.