Ef þú ert að leita þér að hollum og ljúffengum morgunmat eða millimáli þá er þessi uppskrift fyrir þig.
Maður byrjar á því að útbúa bláberja og chiagrautinn í botninn, hrærið þar til þetta samlagast, og setjið svo silki mjúku grísku jógúrtina ofan á og topiið með ristuðum kókoksflögum. Hægt er að margfalda þessa uppskrift og gera margar krukkur í einu til að eiga nokkrar út vikuna þar sem bláberjachiagrauturinn og jógúrtin geymist vel, en það er sniðugara að setja kókosflögurnar á daginn sem þú ætlar að njóta þar sem þær verða mjúkar með tímanum.
Þetta er afar holl og góð uppskrift sem ég held að þér eigi eftir að líka vel.
Bláberjajógúrt parfait
- 2 1/2 dl frosin bláber
- 1 msk chia fræ
- 1 msk hlynsíróp
- Grískt jógúrt frá Örnu mjólkurvörum
- Ristaðar kókosflögur
Aðferð:
- Setjið frosnu bláberin í pott og hitið á vægum hita þar til þau eru bráðnuð (líka hægt að setja á lága stillingu í örbylgju), bætið chía fræjunum og hlynsírópinu út í og hrærið þar til blandan er orðin þykk eins og sulta.
- Setjið í botninn á krukku og bætið gríska jógúrtinu yfir, toppið með ristuðum kókosflögum.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
