Bleik freyðivínssangría sem er bæði einstaklega falleg og ótrúlega fersk og góð 🥂

Hér blandast Pizzolato Rosé freyðivín, Vermouth Bianco og Sprite eða sódavatn saman við fersk hindber og sítrónu. Útkoman er léttur og sumarlegur drykkur sem er fullkominn í veisluna, saumaklúbbinn eða þegar vinkonurnar koma í heimsókn.

Sangrían er borin fram í stórri könnu með nóg af klökum, hindberjum og sítrónusneiðum. Einfalt, fallegt og einstaklega gott!

Bleik freyðivíns sangría

Uppskrift er gefin upp í hlutum þar sem könnur eru mjög misstórar. Skiptið könnunni í 6 hluta og fyllið upp samkvæmt uppskrift.

• 1 hluti Vermouth Bianco – Mulassano
• 3 hlutar Pizzolate Rosé freyðivín
• 2 hlutar Sprite eða sódavatn
• Klakar
• Sítrónusneiðar
• Driscoll’s hindber

Aðferð:

1. Setjið klaka, hindber og sítrónusneiðar í könnuna.
2. Setjið fyrst Vermouth í könnuna, svo freyðivín og gos.
3. Blandið saman með langri skeið og hellið í glös. Gott að láta smá hindber og sítrónusneið í hvert glas.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar