Þessir s’mores kanilsnúðar taka innan við 10 mínútur að útbúa en bragðast eins og alvöru eftirréttur. Findus kanilsnúðarnir eru fullkomnir þegar manni langar í eitthvað fljótlegt og gott, því þeir eru tilbúnir á örfáum mínútum og auðvelt að setja sinn eigin tvist á þá.
Með bráðnu súkkulaði og gylltum mini sykurpúðum breytast þeir í ómótstæðilega s’mores útgáfu sem slær alltaf í gegn. Fullkomið fyrir krakkana að græja “sjálf” í eldhúsinu, þegar gesti ber óvænt að garði eða þegar sætuþörfin lætur á sér kræla.
Einfaldir og mjög fljótlegir s’mores kanilsnúðar
- Findus kanilsnúðar
- 50 g súkkulaði
- Mini sykurpúðar
Aðferð:
- Kveikið á ofninum og stillið á 175°C, undir og yfir hita.
- Smyrjið stórt eldfastmót og raðið snúðunum í formið án smjörpappírsformanna.
- Saxið súkkulaðið niður og dreifið því yfir snúðana ásamt mini sykurpúðum.
- Setjið inn í ofn og bakið í 3-4 mín, stillið þá ofninn á grillið og bakið áfram í 3 mín eða þar til sykurpúðarnir eru aðeins byrjaðir að gyllast.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: