Maðurinn minn gaf mér svo skemmtilega matreiðslubók í jólagjöf. Bókin heitir Rosa’s Thai Cafe, the cookbook en í henni er að finna allskonar girnilegar asískar uppskriftir. Ég ákvað að prófa um daginn nautakjöts salat uppskriftina en hún er ein af mörgum uppskriftunum sem ég verð að prófa í þessari bók.

Salatið var æðislega gott, ferskt og létt en samt svo mettandi og bragðgott.

Salat innihald:

• 500 g Nautalundir eða annað nautakjöt
• 1 laukur
• 1/2 gúrka
• 12 kiruberja tómatar
• 200 g salat

Aðferð:

1. Hitið vel grillpönnu og dreyfið svolítið olíu yfir pönnuna.
2. Þurrkið allan vökva af kjötinu og skerið það í 2,5 cm þykkar sneiðar.
3. Steikið á miðlungs háum hita í um það bil 2 mín á hvorri hlið eða þangað til það er eldað að þínum smekk.
4. Skerið í þunnar sneiðar.
5. Útbúið dressingu, sjá leiðbeiningar hér fyrir neðan.
6. Dreyfið salatinu á stórann disk.
7. Skerið gúrku í þunnar sneiðar og dreyfið yfir salatið ásamt tómötunum.
8. Hellið dressingunni yfir salatið, sjá neðar.

Dressing innihald:

• 10 litlir hvítlauksgeirar
• 1 lítill rauður chilli
• 3 mak nam plan (asísk fiskisósa)
• 3 msk lime safi
• 2 msk chilli sósa
• 1 msk sykur

Aðferð:

1. Maukuð hvítlauk og chilli í matvinnsluvél eða Nutribullet glasi.
2. Setjið maukið í skál og bætið öllum hinum innihaldsefnunum og hrærið vel saman.

Njótið vel!

Ykkar, Linda Ben.