Hollar og virkilega bragðgóðar brauðbollur úr lífrænum höfrum og spelti sem þú átt alveg örugglega eftir að elska. Það er virkilega einfalt og fljótlegt að smella í þessar bollur en nóg að hræra þeim saman í hefðbundinni skál og því óþarfi að óhreinka hrærivélina nema maður vilji það frekar.

Bollurnar eru þéttar og orkumiklar, dásamlega góðar með smjöri, osti og gúrkusneiðum.

Hollar hafrabollur

• 500 ml volgt vatn
• 12 g ger
• 1 tsk hunang frá Muna
• 1 msk ólífu olía frá Muna
• 1 tsk salt
• 200 g grófir hafrar frá Muna + örlítið meira til að skreyta bollurnar
• 1 dl hörfræ
• 400 g gróft spelt frá Muna
• 1 egg

Aðferð:

1. Setjið vatn í stóra skál ásamt gerinu og hrærið saman.
2. Bætið út í skálina hunangi, ólífu olíu og salti, hrærið saman.
3. Bætið þá út í höfrum og hörfræjum út í, hrærið. Bætið því næst speltinu út í, hnoðið öllu vel saman. Leyfið deiginu að hefast á volgum stað í 30 mín.
4. Kveikið á ofninum og stillið á 180°C, undir og yfir hita.
5. Skiptið deiginu upp í bollur, ég notaði stóra salatskeið, og setjið á smjörpappírsklædda ofnplötu.
6. Hrærið eggið saman í skál og penslið því svo yfir bollurnar, skreytið bollurnar með haframjöli.
7. Bakið í u.þ.b. 30 mín eða þar til þær eru byrjaðar að taka á sig gylltan lit og eru bakaðar í gegn.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar