Hvít pizza með hráskinku, burrata og heitu hunangi
Þessi hvíta pizza er ein af mínum uppáhalds þegar mig langar í að njóta extra mikið án þess að flækja hlutina samt eitthvað.
Stökkur botn, hvítlauksolía, bráðinn mozzarella, silkimjúkur burrata ostur, hráskinka, rjómakennt avókadó og örlítið af heitu hunangi mynda saman fullkomna bragðblöndu. Ferska basilíkan setur svo punktinn yfir i-ið.
Þetta er pizza sem hentar jafnt í notalegt föstudagskvöld, þegar gesti ber að garði eða þegar þið viljið gera aðeins meira úr kvöldmatnum. Hún lítur glæsilega út, tekur stuttan tíma að útbúa og bragðast alveg ótrúlega vel.
Hvít pizza með hráskinku, burrata og heitu hunangi
- Pizzadeig
- Hvitlauksolía (ég nota Philpo Berio)
- Rifinn mozzarella
- Hráskinka
- Avókadó frá Náttúru
- Burrata ostur
- Heitt hunang (chillí hunang)
- Fersk basilíka
Aðferð:
- Kveikið á ofninum og stillið á 230°C, undir hita og blástur (eða pizzastillingu ef ofninn þinn er með svoleiðis).
- Fletjið út pizzadeigið og smyrjið hvítlauksolíu á það. Dreifið ostinum yfir það og bakið þar til osturinn og kantarnir á deiginu eru byrjaðir að gullinbrúnast.
- Skerið avokadóið í sneiðar og dreifið því yfir deigið með hráskinkunni. Rífið burrata ostinn yfir og dreifið svolitlu heitu hunangi og ferskri basilíku.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: