Þegar elda á indverskan mat er algjört æði að hafa heimabakað nan brauð með, mér finnst betra að gera þau sjálf frá grunni því það er svo fljótlegt og einfalt.

Nan brauð innihald:

• 1,5 dl volgt vatn
• 2 tsk sykur
• 2 tsk þurrger
• 4 dl hveiti
• 1/2 tsk salt
• 3 msk brætt smjör
• 2 msk hreint jógúrt
• Garam masala
• Sjávar salt

Aðferð:

1. Blandið sykri og geri saman við volga vatnið og látið standa í smá stund.
2. Blandið saman hveiti, salti, bræddu smjöri, jógúrti og gerblöndunni. Látið standa til að hefast í 30 mín. Á meðan skulið þið byrja að elda kjúklingaréttinn.
3. Skiptið deiginu í 6 hluta og fletjið hvern hluta fyrir sig út og kryddið með garam masala og salti.
4. Steikið svo brauðið á pönnu með ólífu olíu þangað til þangað til brauðið verður gullin brúnt.

Njótið vel!

Ykkar, Linda Ben