Klístraðir karamellu kókos smákökubitar.

Þessir klístruðu karamellu kókos smákökubitar eru alveg ómótstæðilegir, fullir af rjóma kúlum og kókosflögum, himnasending fyrir þá sem fýla “cheewy” smákökubita.

Karamellu kókos smákökubitar

• 170 g púðursykur
• 150 g smjör
• 2 egg
• 200 g Hveiti
• 100 g haframjöl
• 100 g kókosflögur
• 1/2 tsk salt
• 1 tsk lyftiduft
• 2 msk mjólk
• 300 g rjóma kúlur frá Nóa Síríus

Aðferð:

1. Kveikið á ofninum og stillið 170°C og undir+yfir hita.
2. Þeytið saman smjör og púðursykur þar til létt og ljóst, bætið þá eggjunum út í, eitt í einu.
3. Setjið hveitið, haframjölið, kókosflögurnar, saltið og lyftiduftið út í skálina og hrærið saman við.
4. Bætið mjólkinni saman við og hrærið.
5. Setjið rjóma kúlurnar út í og blandið þeim saman við.
6. Setjið smjörpappír í 25×25 cm form (eða álíka stórt form) og pressið deiginu ofan í formið. Bakið í 25-30 mín.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar