Hér höfum við algjörlega ómótstæðileg súkkulaði orkustykki sem eru stökk og klístruð á sama tíma. Þau innihalda alveg helling af fræjum, kasjúhnetum og svo laumaði ég Nóa Kroppi í þau til að koma með þetta ómótstæðilega kröns í bitana. Þessir bitar eru því hollir á sama tíma og þeir eru ljúffengir.
Það er upplagt að gera þessa bita og taka með sem nesti í ferðalagið eða gönguna þar sem þeir gefa manni mikla orku og seddu í maga.
Ómótstæðileg súkkulaði orkustykki
- 300 g kasjúhnetur
- 1 1/2 dl graskersfræ + fleiri til að skreyta með
- 1 1/2 dl sólblómafræ
- 1/2 dl sesamfræ
- 70 ml hlynsíróp
- 1 dl möndlusmjör
- 4 msk möndlumjólk (eða önnu mjólk)
- 200 g Nóa Kropp
- 150 g Hvítt súkkulaðidropar frá Nóa Síríus
Aðferð:
- Myljið kasjúhneturnar svolítið niður í blandara og setjið svo í skál ásamt, graskersfræjum, sólblómafræjum og sesamfræjum.
- Setjið hlynsíróp í pott/pönnu og leyfið því að sjóða aðeins í pottinum. Setjið möndlusmjör út í pottinn og hrærið saman við, bætið svo mjólkinni út í og hrærið saman við. Hellið blöndunni út í skálina með fræblöndunni og hrærið saman við.
- Bætið Nóa Kroppinu út í og blandið öllu vel saman.
- Setjið smjörpappír í 25×25 cm form (eða sambærilega stórt) og pressið blöndunni þétt niður.
- Bræðið hvíta súkkulaðið og deifið yfir ásamt graskersfæjum, setjið inn í ísskáp í u.þ.b. 30 mín og skerið svo í bita.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: