Ostafylltar kjúklingabringur í rjómalegi bornar fram með kartöflu smælki og fersku salati. Ekta haustmatur af einföldustu og bestu sort.

Bæði kjúklingurinn og kartöflurnar taka u.þ.b. 40 mín í ofninum, kartöflurnar þó örlítið styttri tíma mögulega, þannig það er mjög sniðugt að smella kjúklingnum fyrst inn í ofn og kartöflunum svo í beinu framhaldi.

Ostafylltar kjúklingabringur í rjómalegi

• 4 Kjúklingabringur
• 1 kryddostur með pipar frá Örnu Mjólkurvörum
• Rósmarín og timjan krydd
• 8 sneiðar Serrano skinka
• 2-3 dl rjómi
• 1 tsk kjúklingakraftur
• Ferskt rósmarín

Aðferð:

1. Kveikið á ofninum og stillið á 200ºC.
2. Þar sem þykkasti hluti bringanna er, stingið hníf inn í endann og myndið vasa fyrir ostsneiðar, eins djúpar og hægt er án þess að gera gat.
3. Skerið ostinn í u.þ.b. 0,5 cm þykkar sneiðar og setjið inn í “vasann” á kjúklingabringunum. Kryddið með rósmarín og timjan og vefjið svo 2 stk serrano skinku utan um hverja bringu. Raðið í eldfast mót og bakið inn í ofni í 20 mín.
4. Þegar 20 mín eru liðnar, hellið rjómanum út á mótið og blandið saman kjúklingakrafti saman við. Bakið áfram í 20 mín.
5. Takið út úr ofninum og kryddið (og skreytið) með fersku rósmarín.

Kartöflu smælki

• 400 g litlar kartöflur með hýði
• 2-3 msk ólífu olía
• Salt og pipar
• Rósmarín krydd
• Timjan krydd

Aðferð:

1. Hreinsið kartöflurnar vel undir köldu vatni og nuddið öll óhreinindi sem gætu leynst af. Skerið þær niður í 4 hluta hvor. Raðið í eldfast mót.
2. Hellið olíu yfir og kryddið eftir smekk, blandið öllu vel saman.
3. Bakið inn í ofni í u.þ.b. 30-40 mín.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar, Linda Ben