Piparosta túnfiskasalat

Hefur þú prófað að rífa piparost út í túnfiskasalatið þitt? Það er svo gott!

Trixið er að rífa ostinn svolítið gróft niður, það gefur bestu áferðina.

Túnfiskasalat með piparosti

• 1 dós túnfiskur
• 3 egg
• ¼ laukur
• 3 msk majónes
• ¾ rifinn piparostur frá Örnu Mjólkurvörum
• ¼ tsk hvítlaukskrydd
• ¼ tsk pipar
• ¼ tsk salt
• ¼ tsk paprikukrydd

Aðferð:

1. Harðsjóðið eggin (u.þ.b. 10 mín). Kælið eggin þegar þau eru orðin harðsoðin.
2. Skerið laukinn smátt niður.
3. Hellið olíunni af túnfisknum og rífið hann í sundur, setjið í skál ásamt lauknum.
4. Rífið piparostinn gróft niður og bætið út í skálina ásamt majónesi og kryddunum.
5. Skerið eggin niður og bætið út í salatið.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar