Pizza crudo rucola e grana – Ekta PDO Parma Pizza

Recipe by
20 mín
Cook: Unnið í samstarfi við Nathan&Olsen | Servings: 2 manns

Pizza crudo rucola e grana ættu margir að kannast við, á Íslandi gengur hún yfirleitt undir nafninu Parma Pizza en á ítölsku heitir hún Pizza crudo rucola e grana.

Þessi pizza er mín allra uppáhalds. Eitt af því sem ég elska mest við Pizza crudo rucola e grana er hversu einföld hún er! Það þarf aðeins að setja pizzasósu og Mozarella ost á deigið áður en pizzan fer inn í ofninn, annað fer á pizzuna eftir að hún kemur út úr ofninum.

En að sjálfsögðu er bragðið aðal ástæðan fyrir því að þessi pizza er mín uppáhalds. Þegar kemur að svona einföldum uppskriftum spila góð hráefni lykil hlutverk. Það er því mikilvægt þegar útbúa á ítalska gæða pizzu að kaupa gæða ítalskar vörur.

Michelangelo Mozarella osturinn, Casale Parmaskinkan og Castelli Parmesan osturinn sem ég notaði eru öll með PDO merkingu sem stendur fyrir Protected Designation of Origin. En PDO þýðir að aðeins þær vörur sem eru framleiddar á ákveðin máta mega kalla sig ákveðnu nafni. Til dæmis þarf Parmigiano Reggiano ostur að vera framleiddur á ákveðin máta við Parma eða Emilio Reggia á Ítalíu til að fá PDO merkingu.

PDO merkið virkar því til að auðvelda neytendum að gera greinamun á ekta vörum og eftirlíkingum en þið sjáið PDO merkið á myndinni hér fyrir neðan á vörunum en það er guli og rauði hringurinn sem þið sjáið á vörunum. 

Michelangelo Mozzarella di Bufala osturinn og Casale Prosciutto di Parma skinkan fást bæði í Krónunni og Melabúðinni

Pizza crudo rucola e grana pizza með mozarella, hráskinku, klettasalati og parmesan

Pizza crudo rucola e grana pizza með mozarella, hráskinku, klettasalati og parmesan

Pizza crudo rucola e grana pizza með mozarella, hráskinku, klettasalati og parmesan

Pizza crudo rucola e grana pizza með mozarella, hráskinku, klettasalati og parmesan

Pizza crudo rucola e grana

  • 125 ml volgt vatn
  • 1 msk olífu olía
  • 3 ½ dl hveiti
  • 1 tsk þurrger
  • 1 tsk salt
  • Pizzasósa
  • 2 stk Michelangelo Mozzarella di Bufala ostur
  • Casale Prosciutto di Parma skinka
  • Castelli Parmigiano Reggiano ostur
  • Klettasalat

Aðferð:

  1. Setjiði gerið út í vatnið og hrærið saman.
  2. Blandiði hveiti og salt saman í skál.
  3. Hellið gerblöndunni út í hveitið með hrærivélina í gangi.
  4. Bætið ólífu olíunni útí og hnoðið saman þangað til gott pizzadeig hefur myndast, það á ekki að vera of klístað en auðvelt að hnoða það.
  5. Leyfið deiginu að hefast í a.m.k 2 klst.
  6. Stilltu ofninn á 240°C og undir&yfir.
  7. Setjið pizzusósu á deigið, skerið Mozarella ostinn í sneiðar og raðið á deigið, bakið inn í ofni í ca. 10-15 mín eða þar til osturinn er byrjaður að brúnast og kantarnir á deiginu líka.
  8. Takið pizzuna út úr ofninum og raðið fyrst parmaskinku, svo ruccola og rífið Parmigiano Reggiano ostinn yfir.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar, Linda Ben

Pizza crudo rucola e grana pizza með mozarella, hráskinku, klettasalati og parmesan

Category:

Leave a Review

Your email address will not be published. Required fields are marked *

*

1 2 3 4 5