Súkkulaðihúðuð kóngulóarepli er hentugt Halloween snarl sem hentar vel í Halloween partýið, bæði fyrir börn og fullorðna. Þetta er svakalega gott og alls ekki svo óhollt þar sem þetta eru einungis epli, hnetusmjör, salt stangir og dökkt 56% Barón súkkulaði.
Kóngulóareplin eru líka einföld í framkvæmd svo það er upplagt að fá börnin í að hjálpa til við að gera þau.
Súkkulaðihúðuð kóngulóarepli
- Epli
- Hnetusmjör
- Salt stangir
- Barón 56% súkkulaði
- Nammi augu
Aðferð:
- Skerið eplin í þykkar sneiðar, u.þ.b. 1/2 – 1 cm þykkar.
- Smyrjið eplasneiðarnar með hnetusmjöri.
- Brjótið hverja salt stöng í 3 bita og raðið 4 bitum sitthvorum megin ofan á hnetusmjörið svo þær standi út eins og kóngulóarlappir.
- Bræðið helminginn af súkkulaðinu yfir vatnsbaði. Takið brædda súkkulaðið upp úr vatnsbaðinu og brjótið seinni helminginn af súkkulaðinu ofan í brædda súkkulaðið og veltið þar til allt hefur bráðnað. Ef allt súkkulaðið nær ekki að bráðna, þá rétt setjiði skálina aftur ofan í vatnsbaðið til að ylja súkkulaðinu svo það bráðni (ætlunin er að bræða súkkulaðið án þess að hita það mikið því annars verður það ekki stökkt aftur)
- Smyrjið brædda súkkulaðinu yfir hnetusmjörið og salt stangirnar, setjið nammi augu á súkkulaðið. Leyfið súkkulaðinu að stirðna á svölum stað.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: