Eitt sem við gerðum um daginn og krakkarnir elskuðu var að gera vatnsmelónu pizzu. Þetta er alveg ótrúlega einfalt og skemmtilegt, Maður einfaldlega sker vatnsmelónu eins og pizzusneiðar, setur rjóma á sneiðarnar og skreytir svo með berjum og myntu eða bara hverju sem er, súkkulaði er örugglega geggjað. Ég vona að þið eigið eftir að hafa gaman við að skella í þessa uppskrift.
Vatnsmelónupizza
- 1/2 vatnsmelóna
- 500 ml rjómi frá Örnu Mjólkurvörum
- Hindber
- Bláber
- Fersk mynta
Aðferð:
- Skerið vatnsmelónu í sneiðar þvert og skerið svo hvern hring í sneiðar, eins og pizzusneiðar.
- Þeytið rjómann og setjið u.þ.b. 1 msk af rjóma á hverja sneið og skreytið svo með berjum eða því sem ykkur langar í.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
Share this:
Category: