Matarmikil og bragðgóð grænmetissúpa stútfull af grænmeti og hollustu.

Það er upplagt að bera þessa súpu fram með ilmandi hvítlauksbrauði eða jafnvel þessum ostafylltu brauðstöngum ef þú vilt hafa matinn extra djúsí.

Fyrir þá sem vilja hafa kjöt í súpunni er til dæmis mjög gott að hafa kjúkling eða lambakjöt í henni. Það er þá best að nota foreldað kjöt eða elda það fyrst, taka af pönnunni og gera svo súpuna. Skera kjötið og setja kjötið svo í súpuna eftir að búið er að mauka grænmetið.

Matarmikil og bragðgóð grænmetissúpa

• 2 msk ólífu olía
• ½ laukur
• ½ blaðlaukur (hvíti hlutinn)
• 2 gulrætur
• ½ sæt kartafla
• 1 paprika
• 1 dós niðursoðnir tómatar í bitum
• 2 hvítlauksgeirar
• 1 líter vatn
• 1 stk grænmetiskraftur
• 1 stk kjúklingakraftur
• Salt og pipar eftir smekk
• ¼ tsk Þurrkaðar chillí krydd flögur (má sleppa)

Aðferð:

1. Byrjið á því að skera laukinn og blaðlaukinn niður, setjið í pott ásamt olíu og steikið.
2. Flysjið gulræturnar og sætu kartöflurnar og skerið í bita, bætið út á pottinn. Skerið paprikuna og bætið henni einnig út á og hrærið reglulega í.
3. Opnið dósina af tómötunum, hellið út á og hrærið reglulega í.
4. Pressið hvítlaukinn í gegnum hvítlaukspressu, pressið út á og hrærið reglulega í.
5. Bætið vatninu saman við ásamt grænmetiskraftinum og kjúklingakraftinum, hrærið vel í og leyfið súpunni að sjóða í 10-15 mín.
6. Takið töfrasprota og maukið súpuna.
7. Smakkið til með salti og pipar og örlitlu þurrkuðu chillí ef áhugi er fyrir því að hafa súpuna örlítið sterka.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Njótið vel!

Ykkar, Linda Ben