Linda Ben

Besti Mangó Chutney kjúklingarétturinn

Recipe by
1 klst
Prep: 30 mín | Cook: 30 mín | Servings: 4 manns

Mangó Chutney kjúklingaréttur var eitt það fyrsta sem ég lærði að elda. Með tímanum hef ég þróað hann og náð að gera hann að mínum eigin. Þessi kjúklingaréttur er æðislega góður og slær alltaf í gegn.

_MG_8874

Þegar á að gera góðan mat þá skipta hráefnin höfuð máli. Sukki’s mangó chutney-ið er alveg rosalega bragðgott, það besta sem ég hef smakkað allavega. Það er svolítill hiti í því en alls ekki of sterkt. Það passar alveg guðdómlega vel með rjóma í þessum kjúklingarétti.

_MG_8858

Mér finnst alltaf betra að nota brún eða villt hrísgrjón. Þau eru örlítið stífari undir tönn sem gerir réttinn mikið betri auk þess að gera matinn heislusamlegri.

_MG_8866

Better than Bullion eru mjög sniðugar vörur en það er hægt að fá allskonar kjötkrafta sem eru bragðbetri en venjulegur þurr kraftur. Maður einfaldlega blandar einni teskeið af krafti út í 2,5 dl af sjóðandi heitu vatni og þannig er maður kominn með kjötsoð. Mér finnst mikill kostur að geta gert mér soð á þennan hátt.

Besti Mangó Chutney Kjúklingarétturinn, uppskrift:

  • 4 kjúklingabringur
  • salt og pipar
  • 2  dl hrísgrjón
  • 4 dl vatn
  • 2,5 dl sjóðandi vatn
  • 1 tsk Better than bullion kjúklingagrunnur
  • 2,5 dl matreiðslurjómi
  • 1 krukka mangó chutney frá Sukki’s
  • 1 msk karrý
  • 1 msk tandoori

Aðferð

  1. Stillið ofninn á 200°C.
  2. Byrjað er á því að setja 2 dl af hrísgrjónum í pott ásamt 4 dl af vatni og þau soðin þangað til þau byrja að mýkjast.
  3. Á meðan verið er að bíða eftir hrísgrjónunum eru kjúklingabringurnar skornar í 4 bita og kryddaðar með salt og pipar.
  4. Hitið pönnu og setjið svolítið af olíu á pönnuna. Steikið kjúklingabitana þannig þeir brúnist á öllum hliðum.
  5. Sjóðið 2,5 dl af vatni í hraðsuðukatli, hellið í skál og setjið 1 tsk af Better than bullion út í vatnið, hrærið þangað til allt hefur leyst upp. Leyfið soðinu að kólna svolítið.
  6. Í frekar stóra skál setjið þið matreiðslurjóma ásamt mangó chutney, karrý, tandoorí og kjúklingasoðið, blandið vel saman.
  7. Þegar hrísgrjónin eru nánast tilbúin setjið þið þau í botninn á eldföstumóti, setjið svo kjúklinginn yfir og hellið svo sósunni yfir þannig að hún flæðir upp að kjúklinginum.
  8. Látið eldast inn í ofni í 30 mín.

_MG_8879

Njótið vel!

Ykkar, Linda Benediktsdóttir

Allar vörur í þessa uppskrift fást í Kosti.

Category:

Leave a Review

Your email address will not be published. Required fields are marked *

*

1 2 3 4 5

Connect!