Það vill stundum verða að uppáhalds uppskriftirnar mínar og þær sem ég tel vera virkilega vel heppnaðar eru ekkert endilega þær sem slá mest í gegn. Flestar af þessum uppskriftum hafa þó náð heilmiklum vinsældum en náðu þó ekki allar inn á topp 10 yfir mest lestnu uppskriftirnar. Það er ýmislegt sem veldur því að bestu uppskriftirnar ná ekkert endilega mestu vinsældunum. Tímasetningin sem ég pósta uppskriftinni á netið er þar stór partur, einnig hafa myndir og titill mikið að segja. Þess vegna finnst mér gaman að telja einnig upp uppáhalds uppskriftirnar mínar sem ég hef sett hér á síðuna árið 2017.

Mínar uppáhalds uppskriftir raðast upp af bragði, hversu ánægð ég var með myndirnar, hversu oft ég hef gert uppskriftirnar. Hversu mikið rétturinn kom mér á óvart og hversu erfitt það var að láta réttinn heppnast akkurat rétt.

Það reyndist mér gríðarlega erfitt að velja mínar uppáhalds uppskriftir, nánast eins og að gera upp á milli barnanna sinna. Ég hef lagt svo mikla vinnu í allar þessar uppskriftir og í raun ánægð með þær allar, annars væri þær ekki hér inni. Upphaflega voru uppáhalds uppskriftirnar mínar 25 talsins en eftir mjög mikla umhugsun náði ég að fækka þeim niður í topp 10. Ég ákvað þó að gera mér lífið þó ekkert óþarflega erfitt og því er uppskriftunum raðað í tímaröð en ekki eftir uppáhaldi.

Fallegur og elegant jarðaberja trifle eftirréttur

Konfekt kleinuhringir

Gómsætur saltfiskur eins og þú hefur aldrei smakkað hann áður

Turkish pepper bollakökur

Tapas veisla með stuttum fyrirvara

Salt karamellu smákökur með hvítum súkkulaðibitum

Fylltar fajita kartöflur

Fljótleg heimabökuð pizza með hvítlauks risarækjum

Glæsileg og öðruvísi marengsterta