Basil pestó er í miklu uppáhaldi hjá mér, ég elska að smyrja því ofan á brauð með avocado, á snittubrauð með hvítmygluosti eða nota það sem marineringu á kjúkling.

Þessi uppskrift er ótrúlega góð og mæli ég með að þið prófið. Hún er frekar stór en það er gott að skipta pestóinu í tvær krukkur og setja aðra þeirra í frystinn, passið að fylla ekki alveg krukkuna sem fer í frystinn eða nota plast dollu.

Innihald:

• 1 dl valhnetur
• 1 dl furuhnetur
• 4 hvítlauksgeirar
• 1 stórt búnt basil (þrjár góðar lúkur)
• 1 tsk salt
• 1 tsk pipar
• 2 dl extra virgin ólífu olía
• 1 dl parmesan ostur

Aðferð:

1. Maukið valhnetur, furuhnetur og hvítlauk í Nutribullet eða matvinnsluvél.
2. Setjið basilið út í blönduna og baukið það með.
3. Kryddið með salt og pipar.
4. Bætið ólífu olíunni hægt út í maukið, ef notast er við matvinnsluvél er olíunni hellt í maukið á meðan vélin er í gangi.
5. Bætið við parmesanostinum og blandið varlega saman við.