Rauðvínssósa sem fullkomnar nautasteikina

Djúp, glansandi og bragðmikil rauðvínssósa sem lyftir nautasteikinni upp á veitingastaðar-level. Klassísk aðferð, fá hráefni og Oscar nautakraftur sem gefur sósunni alvöru dýpt.

Ég mæli með að nota góða og kraftmmikla rauðvín í sósuna sem gefur henni alvöru lúxus bragð. Ég notaði Muga en Adobe reserva hhentar líka vel.

Rauðvínssósa sem fullkomnar nautasteikina

• 1/2 msk smjör + 1 msk smjör til að nota seinna
• 1 shallot laukur
• 1/2 dl balsamik edik
• 3 dl gott rauðvín til dæmis Muga eða Adobe
• 1-2 msk Oscar nautakraftur
• 3 dl vatn
• Sósuþykkir t.d. Maizena
• Salt og pipar

Aðferð:

1. Skerið shallotlaukinn mjög smátt niður og steikið í potti upp úr 1/2 msk smjöri.
2. Bætið balsamik ediki út í pottinn og sjóðið þar til það verður orðið að þykku sírópi.
3. Bætið rauðvíninu út í pottinn ásamt nautakrafti og vatni. Látið sósuna malla í 5-10 mín.
4. Setjið þykki út í sósuna, gott að byrja á u.þ.b. 1 msk og láta sjóða, setja svo meira eftir þörfum. Mikilvægt er að láta sósuna sjóða eftir að þykkir er settur út í hana en það lætur þykkinn virka.
5. Smakkið til með salti og pipar og meiri nautakrafti eftir þörfum.
6. Takið sósuna af hitanum og blandið 1 msk af smjöri út í sósuna.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar