Lasagna er klassískur réttur sem öll fjölskyldan elskar. Auðvelt er að lauma smá grænmeti í þennan rétt án þess þó að nokkur taki eftir því, en það er einmitt þannig í þessari uppskrift.

Hvíta ostasósan gerir það að verkum að lasagnað er sérstaklega djúsí og lystugt, algjör unaður!

Unaðslega gott djúsí lasagna með hvítri ostasósu

Kjötsósa – Uppskrift:

• 1 pakki nautahakk
• 2 gulrætur
• 100 g sveppir
• 1 shallot laukur
• 1 krukka (680 g) Tómat og basil pastasósa

Aðferð:

1. Skerið lauk, sveppi og gulrætur niður og steikið.
2. Steikið hakkið á pönnununa og steikið.
3. Setjið sósuna á pönnuna.
4. Kryddið með salt og pipar eftir smekk og leyfið sósunni að malla á vægum hita þangað til hún hefur þykknað.

Hvít ostasósa – Uppskrift:

• 150 g rifinn cheddar ostur
• ½ blaðlaukur
• ½ líter mjólk

Aðferð:

1. Skerið blaðlaukinn smátt niður.
2. Setjið olíu í pott og steikið laukinn við mjög lágann hita í 20-30 mín. Það er gert til þess að ná fram sæta og góða bragðinu í lauknum.
3. Hellið mjólkinni út á laukinn og maukið hann með töfrasprota.
4. Setjið helminginn af ostinum út í sósuna.
5. Hitið sósuna þangað til osturinn bráðnar og sósan fer að þykkna.
6. Kryddið með pipar eftir smekk.

Þar að auki þarf:

• Lasagnaplötur

Aðferð:

1. Notið 20×20 cm eldfastmót, stillið ofninn á 200°C.
2. Byrjið á því að setja kjötsósuna í botninn, setjið lasagnaplötur yfir og hvítu ostasósuna loks yfir.
3. Endurtakið þrisvar sinnum í viðbót.
4. Dreifið afganginum af ostinum yfir lasagnað.
5. Bakið í ofninum í um það bil 45 mín.
6. Leyfið lasagnanu að kólna svolítið áður en þið skerið í það svo það haldi lögun þegar það er sett á diskinn.

Njótið vel!

Ykkar, Linda Ben