Rjómasveppa sósa:

• Ravioli
• 250 g sveppir
• 1 msk smjör
• 2 ferskir hvítlauksgeirar
• 1 piparostur
• 250 ml matreiðslurjómi
• 1 tsk soya sósa
• Salt og pipar
• Fersk basilíka
• Parmesan ostur

Aðferð:

1. Eldið pastað eins og sagt er til um á pakkningunni.
2. Skerið sveppina í sneiðar og steikið sveppina upp úr smjöri þangað til þeir verða mjúkir í gegn.
3. Skerið hvítlaukinn niður og steikið hann létt með sveppunum.
4. Hellið rjómanum út á.
5. Rífið piparostinn með rifjárni og setjið út í sósuna.
6. Látið sjóða í svolitla stund þangað til sósan byrjar að þykkna, ef ykkur finnst vanta smá kick í sósuna þá setjið þið smá soya sósu út á. Kryddið til með salti og pipar.
7. Setjið pastað í fallega skál, hellið sósunni yfir, skreytið með ferskri basilíku og parmesan osti.

Njótið vel!

Ykkar, Linda Ben