Kjúklingavefja með grænmeti, rifnum osti og hvítlaukssósu er frábært hugmynd að góðu nesti fyrir börn og fullorðna. Þessar vefjur eru í mjög mikllu uppáhaldi hjá stráknum mínum sem er 10 ára.
Það sem þarf í þessar vefjur er kjúklingalundir, vefjur, grænmeti og hvítlaukssósa. Ég kaupi oftast tilbúnar frosnar kjúklingalundir sem eru í stökkum hjúp, þær fást í flestum matvöruverslunum frá nokkrum vörumerkjum.
Sósuna geri ég frá grunni sem er talsvert hollari en tilbúnar sósur og að mínu mati betri.
Það er svo að sjálfsögðu hægt að leika sér með grænmetið og setja hvaða ferska grænmeti sem þig langar í, gúrka og paprika er í uppáhaldi hjá stráknum mínum og því nota ég það. Svo er algjör lykill að setja nóg af rifnum mozzarella til að gera vefjurnar djúsí og góðar.
Kjúklingavefjur með grænmeti, rifnum osti og hvítlaukssósu
- Vefjur
- Frosnir fulleldaðir kjúklingalundir í hjúp
- Salat
- Paprika
- Gúrka
- Rifinn mozzarella ostur frá Örnu Mjólkurvörum
Hvítlaukssósa
- 2 msk grískt jógúrt frá Örnu Mjólkurvörum
- 1 hvítlauksrif
- Safi úr 1/2 sítrónu
- 1 tsk hunang
- Salt og pipar
Aðferð:
- Byrjið á því að kveikja á ofninum og elda kjúklingalundina samkvæmt leiðbeiningum á umbúðum.
- Útbúið hvítlaukssósuna með því að setja grískt jógúrt í skál, rífið hvítlauksgeirann ofan í jógúrtið, kreystið sítrónuna út í skálina, bætið hunangi og smá salti út í. Blandið öllu vel saman.
- Skerið kjúklingalundin niður í smærri bita. Skerið einnig agúrkuna og paprikuna í bita og rífið salatið smá niður.
- Smyrjið sósu á vefjuna, raðið grænmeti og kjúkling, dreifið rifnum osti yfir og lokið vefjunni.
Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben
Njótið vel!
Ykkar
