Ég hef verið mikill aðdáandi marsípans frá því ég man eftir mér, ég elska t.d. marsípan molana í Nóa konfektinu og kransakökur.

Ég rakst svo á uppskrift á netinu af einfaldri möndluköku með marsípani.

Allir marsípan aðdáendur munu elska þessa köku. Kakan er þétt, bragðið er ljúft og uppskriftin einföld, þvílíkur unaður!

Innihald:

• 250 g marsípan
• 250 g smjör
• 150 g sykur
• 1/4 tsk möndludropar
• 1/4 tsk vanilludropar
• 6 stór egg
• 150 hveiti
• 1 tsk lyftiduft

Aðferð:

1. Hitið ofninn í 170°C
2. Marsípan, smjör og sykur eru sett í matvinnsluvél og blandað vel saman.
3. Droparnir eru settir út í og blandað.
4. Eitt egg er sett út í blönduna í einu og blandað mjög vel saman á milli.
5. Að lokum er hveitinu og lyftiduftinu bætt út í og blandað vel.
6. Ég setti deigið í 18 cm smurt hringform, kakan varð þannig há og flott.
7. Bakið kökuna í 40-50 mín

Ég valdi að smyrja kökuna með bleiku glassúri og fannst það fullkomna möndluköku fýlinginn.

Innihald:

• 250 g flórsykur
• 3 msk mjólk
• 1 dropi ljósbleikur matarlitur

Aðferð:

1. Blandið öllum innihaldsefnum saman og smyrjið á kökuna

Njótið vel!

Ykkar, Linda Ben