Smáköku blondie með kexkökumiðju

Slutty blondie

Smákökubotn

• 100 g smjör
• 200 g sykur
• 1 egg
• 1 tsk vanilludropar
• 175 g hveiti
• ¼ tsk salt
• ½ tsk lyftiduft
• ½ tsk matarsódi
• 100 g hvítt súkkulaði

Kexlag

• 260 g Frón Kremkex með vanillubragði

Blondie

• 100 g smjör
• 100 hvítt súkkulaði
• 1 egg
• 200 g púðursykur
• 1 tsk vanilludropar
• 150 g hveiti
• ½ tsk lyftiduft
• ¼ tsk salt

Aðferð:

1. Kveikið á ofninum og stillið á 175°C, undir og yfir blástur.
2. Byrjið á því að útbúa smákökubotninn.
3. Þeytið saman smjör og sykur þar til létt og ljóst. Bætið egginu út í ásamt vanillidropum og hrærið saman við.
4. Blandið saman hveiti, salti, lyftidufti og matarsóda. Bætið því svo út í deigið og hrærið létt saman þar til samlagað.
5. Blandið hvíta súkkulaðinu saman við og geymið deigið á meðan blondie deigið er útbúið.
6. Bræðið saman smjör og hvítt súkkulaði í potti með því að bræða smjörið fyrst varlega og slökkva svo undir pottinum, setja þá hvíta súkkulaðið ofan í og leyfa smjörinu að bræða það.
7. Þeytið eggið þar til létt og ljóst, bætið svo út í púðursykrinum og þeytið saman.
8. Bætið vanillurdropunum út í og þeytið.
9. Hellið súkkulaðiblöndunni út í í mjórri bunu og hrærið saman við á sama tíma.
10. Blandið saman hveiti, lyftidufti og salti, hellið út í deigið og hrærið saman með sleikju.
11. Smyrjið 25×25 cm form (eða álíka stórt) og þrýstið smákökudeiginu í botninn.
12. Raðið kremkexinu yfir smákökudeigið.
13. Hellið blondie deiginu yfir og dreifið úr því.
14. Bakið inn í ofni í 30-35 mín. Takið út úr ofninum og leyfið kökunni að ná stofuhita áður en þið skerið í hana.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar