Ef þú ert að leita þér að ljúffengum morgunmat sem bæði vekur þig og nærir þig þá er þetta morgunmaturinn fyrir þig. Það er upplagt að margfalda uppskriftina og gera nokkra grauta í einu að kvöldi til, eiga svo tilbúna grauta inn í ísskáp út vikuna.

Tiramisu chiabúðingur

Hafralag

• 2 msk hafrar
• 150 g grísk jógurt
• 4 stk smátt saxaðar döðlur
• 3 msk vatn

Chialag

• 1 msk chia fræ
• 1 dl vatn
• 3 msk sterkt kaffi
• 1 msk kakó
• 2 tsk hunang
• 1 msk möndlusmjör

Toppur

• 50 g grískt jógúrt
• 1/2 tsk kakó

Aðferð:

1. Blandið saman höfrum, grísku jógúrti, smátt söxuðum döðlum og vatni í skál og blandið saman, látið standa á meðan chia lagið er útbúið.
2. Setjið chia fræ, vatn, kaffi, kakó, hunang og möndlusmjör saman í blandara og blandið þar til allt hefur maukast saman.
3. Í bolla setjið helminginn af hafrablöndunni og chiablönduna ofan á það. Setjið svo það sem eftir er af hafrablöndunni í bollann og svo það sem eftir er af chiablöndunni. Toppið með gríska jógúrtinu og sléttið úr, sigtið kakóið yfir.
4. Hægt er að njóta strax en líka hægt að geyma í 3-4 daga inn í ísskáp í lokuu íláti.

Ef þú prófar þessa uppskrift þá þætti mér svo vænt um að heyra frá þér! Skildu eftir skilaboð hér fyrir neðan, eða taktu mynd og merktu mig á Instagram @Lindaben

Fylgistu með á Instagram!

Fylgstu með á Tiktok!

Njótið vel!

Ykkar